Ek Hoonk si uthi dil mein .....

Aaj phir Diwali aayi ....
Phir roshni chaayi ....
Diye jale ....
Dil mein phir ek hoonk si uthi ....
Phir har pal koi bahut yaad aaya....
Uski muskurati aankhen ....
Uska yuun andheri raaton mein ....
Milon ki doori tayy kar ke aana....
Mere baalon ko sehlaana ....
Woh jaadu ki jhappi ....
Har ek pal ....
Aankhon ke saamney se guzar gaya....
Aaj phir ek hoonk uthi dil mein ...
Phir woh yaad aaya ...
Jisey bhulaney ke liye .....
Itne sitam sahey aur dil ko jalaya...
Barbaad ho gaye jiski mohabbat mein ....
Luut gayi shaan o shaukat....
Kuch baaki na bacha....
Reh gayi buss ek reit ki dheri ....
Aur kuch kagaz ke phool.
Aaj phir ek hoonk uthi hai dil mein ....
Ek toofan sa aa gaya hai ....
Ek aisa ufaan ....
Jo na le doobey mujhko phir ...
Tanhaiyyon ke safar mein....
Mehfil mein hoon ....
Phir bhi aankhen usey hi dhoond rahin hain...
Palat kar, ghoom kar phir aasmaan ko dekhti hain ...
Aur duaa karti hain ....
Yaa Rabb ....
Woh jahan bhi rahe...
Khush rahey ... Aabad rahey...
Meri hoonk ... halak mein atak jaati hai ...
Aansoon chalak aatey hain ...Aur mein ...
Apni manzil ki aur nikal padti hoon.